काभ्रे, भदाै ३१: लगातारकाे वर्षाका कारण मौसम खराबीले त्रिभुवन अन्तर्राष्ट्रिय विमानस्थलमा अवतरण गर्न नसकेर ७ वटा हेहिकोप्टर काभ्रेका विभिन्न ठाउँमा आकस्मिक अवतरण गराइएका छन्।
काभ्रेस्थित पाँचखाल र नेपालथोकमा ७ वटा हेलिकाेप्टर आकस्मिक अवतरण गरिएको काभ्रेपलाञ्चोक प्रहरीले जनाएको छ। विभिन्न कम्पनीका हेलिकाेप्टरहरू अवतरण गरिएका हुन् । पाँचखालमा मनाङ्ग एयर २ वटा हेलिकोप्टर सिम्रिक एयर र कैलाश एयरको एक हेलिकोप्टर अवतरण गरिएको काभ्रे प्रहरीले जानकारी दिए।
ती अवतरण गरिएका हेलिकोप्टर कहाँबाट आएको र कति यात्रु रहेको बारे अहिले एकिन जानकारी नभएकाे प्रहरीले जनाएको छ। यसबारेमा थप विवरण आउँन बाँकी रहेकाे बुझिएकाे छ।
