चितवन, साउन १५: अज्ञात समुहले इच्छाकामना गाउँपालिका वडा नं २ को कार्यालयमा तोडफोड गरेका छन् । वल्याङस्थित रहेकाे वडा कार्यालयमा मङ्गलबार राति तोडफोड भएको जानकारी गाउँपालिकाकी अध्यक्ष गीताकुमारी गुरुङले दिए ।
उनका अनुसार कार्यालयको कुर्सीलगायतका सामग्री बाहिर फालिएको थियाे भने कार्यालयका कागजात च्यातिएको अवस्थामा फेला पारिएको छ । घटनास्थलमा नेकपाको पर्चा फेला परेकाले उक्त पार्टीले नै कार्यालय तोडफोड गरेको हुनसक्ने स्थानीयले बताएका छन् ।
