आलमलाई नक्खु कारागारमा राखियाे

रिपोर्ट नेपाल | 2019 Nov 16 | 10:22 am 1398

काठमाडाैँ, कात्तिक ३० : रौतहट राजपुर बम काण्डका मुख्य अभियुक्त अफताव आलम कारागार चलान भएका छन् । जिल्ला अदालत राैतहटले पुर्पक्षका लागि थुनामा राख्न आदेश दिएलगत्तै नेपाली कांग्रेसका निलम्बित सांसद आलम ललितपुरको नख्खु कारगारमा ल्याइएका हुन् ।

आलमलाई जिल्लामा राख्नसमेत जोखिम देखिएपछि अदालतले थुनामा राख्न आदेश दिएकै दिन शुक्रबार राति राैतहटबाट ललितपुरस्थित नख्खु कारागार ल्याइएको हो ।

स्रोतका अनुसार डिल्लीबजार सदरखोर आउने आलमको चाहना भए पनि गृह मन्त्रालयले सहमति नदिएपछि उनलाई नख्खु कारागार ल्याइएको हो ।

१२ वर्षअघि पहिलो संविधानसभा चुनावको बुथ कब्जा गर्न निर्माण गरिएको बम बनाउने क्रममा विष्फोट भएर घाइते भएकाहरुलाई इट्टाभट्टामा हालेर मारेको आरोप आलममाथि रहेको छ ।

रौतहट जिल्ला अदालतका न्यायाधीश दीपक ढकालको इजलासमा चारदिन लामो थुनछेक बहसपछि शुक्रबार पछि ठहरेबमोजिम हुनेगरी हाल पूर्पक्षका लागि थुनामा राख्ने आदेश दिएको हो ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.