अवैध लागूऔषध सहित एक पक्राउ

रिपोर्ट नेपाल | 2020 Jan 27 | 08:25 pm 1478

काठमाडौं, माघ १३: अवैध लागूऔषधसहित प्रहरीले एक जनालाई पक्राउ गरेको छ । पक्राउ पर्नेमा मोरङ लक्ष्मीमार्ग वेल्टारी नगरपालिका ९ का २६ वर्षीय रामदेब चौधरी रहेका छन् ।

उनलाई चन्द्रागिरी नगरपालिका २ नागढुङगाबाट लुकाई छिपाई ल्याएको प्रतिबन्धित लागूऔषध नाईट्राभेट ७१ ट्याब्लेट सहित सोमबार प्रहरीले पक्राउ गरेको हो ।

महानगरीय प्रहरी प्रभाग नागढुङगाबाट खटिएको प्रहरीले झापाबाट काठमाडौं आउँदै गरेको ना ७ ख २७०९ नम्बरको बस जाँच गर्ने क्रममा बसमा सवार रामदेवलाई उक्त लागूऔषध सहित फेला पारी पक्राउ गरेको प्रहरीले जानकारी दिएको छ ।

यस विषयमा प्रहरीले थप अनुसन्धान गरिरहेको बुझिएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.