बाँके, फागुन २३ : स्रोत नखुलेको अवैध रकम ३५ लाख नेपाली रुपैयाँसहित घुम्दै गरेको अवस्थामा दुई भारतीयलाई प्रहरीले पक्राउ गरेको छ । पक्राउ पर्नेमा भारतका ३० वर्षीय रवीसचन्द्र पाण्डे र जमुनाह छोटी भन्सार निवासी बालक छोटु तिवारी रहेका छन् ।
उनीहरुलाई नेपालगञ्ज उपमहानगरपालिका वडा नम्बर–११ स्थित पासाङल्हामुमार्गबाट जिल्ला प्रहरी कार्यालय बाँकेबाट खटिएको प्रंहरी टोलीले उक्त रकमसहित नियन्त्रणमा लिइएको प्रहरी निरीक्षक दीपक मल्लले जानकारी दिए ।
उनीहरूले युपी ३२ ग ८२४४ नम्बरको भारतीय मोटरसाइकलमा घुम्दै गर्दा प्रहरीले नियन्त्रणमा लिएको हो । दुवै जनालाई थप अनुसन्धानका लागि जिल्ला प्रहरी कार्यालय बाँकेमा राखिएको प्रहरीले जानकारी दिए ।
