पर्वत, साउन १३: अरिङ्गालको टोकाइबाट एक युवाको मृत्यु भएको छ। मृत्यु हुनेमा कुश्मा नगरपालिका-१ बस्ने ३४ वर्षीय श्रीराम परियार रहेका छन् ।
उनलाई अरिङ्गाल पोल्ने क्रममा अरिङ्गालले टोकेर गम्भीर घाइते भएका थिए । उनकाे उपचारकाे क्रममा धवलागिरि अस्पतालमा आज मृत्यु भएको जिल्ला प्रहरी कार्यालयका सूचना अधिकारी तथा प्रहरी नायब उपरीक्षक इन्द्रबहादुर रानाले जानकारी दिए।
परियार गए राति घर नजिककैको जङ्गलमा अरिङ्गाल पोल्न गएको र अरिङ्गाल पोल्ने क्रममा अरिङ्गालले टोकेपछि गम्भीर घाइते भएका थिए।
