बारा, पुस २३ः चोरी मुद्दामा फरार रहेका एक अभियुक्तलाई प्रहरीले २४ वर्षपछि पक्राउ गरेको छ ।
पक्राउ पर्नेमा बारा पचरौता नगरपालिका वडा नं ९ का ४४ वर्षीय रामबाबु भन्ने वीर बिक्रम मुखिया बिन रहेका छन् ।
उनलाई सम्मानित बारा जिल्ला अदालतको २०५४ जेठ ३० गतेको फैसला आदेशले जवरजस्ती चोरी मुद्दामा १ वर्ष ७ महिना १५ दिन कैद ठहर गरेको थियो ।
फैसला पश्चात् फरार रहेका मुखियालाई मंगलबार जिल्ला प्रहरी कार्यालय बाराबाट खटिएको प्रहरी टोलीले लुकीछिपी बसेको अवस्थामा फेला पारी पक्राउ गरी सम्मानित बारा जिल्ला अदालतमा पेश गरिएको प्रहरीले जानकारी दिएको छ ।
पक्राउ परेका मुखियालाई सम्मानित अदालतको आदेशले कैद भुक्तानको लागि कारागार कार्यालय वीरगंज पठाईएको बताइएको छ ।
त्यसैगरी विभिन्न मुद्दामा फरार रहेका अन्य ४ जना अभियुक्तलाई पनि प्रहरीले पक्राउ गरेको छ ।
फैसला कार्यान्वयनको सिलसिलामा सम्मानित बारा जिल्ला अदालतको विभिन्न मितिको फैसला आदेशले विभिन्न मुद्दामा जरिवाना ठहर भई फरार रहेका थिए ।
पक्राउ पर्नेमा जवाहिर प्रसाद केशरीत, पाहुन भन्ने बिहारी साह, केदारनाथ बोगटी र हृदय नारायण साह तेली रहेका छन् ।
उनीहरुलाई आज बुधबार जिल्ला प्रहरी कार्यालयबाट खटिएको प्रहरी टोलीले लुकीछिपी बसेको अवस्थामा फेला पारी पक्राउ गरी सम्मानित बारा जिल्ला अदालतमा पेश गरेका हुन् ।
पक्राउ परेका चारै जनालाई सम्मानित अदालतको आदेशले अभियुक्तहरुलाई लागेको जरिवाना रकम दाखिला गरी छुटेको प्रहरीले जानकारी दिएको छ।
दिएको छ।
