धनुषा, पुस २२ः मंगलबार बिहान जनकपुरधाम उपमहानगरपालिका–१ सीता चोकमा शंकास्पद वस्तु फेला परेको छ।
उक्त स्थानका एक मासु पसल अगाडी फेला परेको शंकास्पद वस्तु बम हुनसक्ने प्रहरीले अनुमान गरेको छ ।
सो स्थलमा सुरक्षाकर्मीले घेरा हालेर शंकास्पद वस्तु नजिक सर्वसधारणलाई जान रोक लगाएका छन्।
बिहान करिब ८ बजे स्थानीयले शंकास्पद वस्तु देखेपछि प्रहरीलाई खबर गरेका थिए।
नेपाली सेनाको बम डिस्पोजल टोली उक्त शंकास्पद वस्तु पहिचान गर्न आइपुगी पहिचान गर्दै गरिरहेको छ ।
यसअघि पनि धनुषामा पटक पटक शंकास्पद वस्तु फेला परेपनि नक्कली बम रहेको सेनाले पुष्टि गरेको थियो।
