दाङ, असोज १० । ९ वर्षीया बालिकालाई जबरजस्ती करणी गरेको अभियोगमा घोराही उपमहानगरपालिका-१४ भेटनरी बस्ने ४० वर्षीय टेक बहादुर विकलाई प्रहरीले पक्राउ गरेको छ ।
विकलाई जिल्ला प्रहरी कार्यालय दाङ मातहत अस्थायी प्रहरी पोष्ट बसपार्कबाट खटिएको प्रहरी टोलीले पक्राउ गरेको हो । विकले ती बालिकालाई जबरजस्ती करणी गरी फरार रहेको भन्ने उजुरीको आधारमा पक्राउ गरिएको सूचना अधिकारी प्रहरी नायव उपरीक्षक जनक बहादुर मल्लले जनाएका छन् ।
