महेश सिंह महतो
सिरहा, जेठ २२: प्रदेश नम्बर २ मा बुधबार मुस्लिम धर्मावलम्बीहरुले मनाउने गरेको इद ,उल फित्र पर्वको अवसरमा सरकारले सार्वजनिक बिदा दिएको छ ।
चन्द्रमाको अवलोकनपछि मात्र इद मनाउने दिन निश्चित हुने भएकाले बिहीबारका लागि तोकिएको बिदा अनिश्चित भएको थियो।
मंगलबार गृह मन्त्रालयले विज्ञप्ति प्रकाशित गर्दै बुधबारको बिदा निश्चित भएको प्रदेश नम्बर २ को मुख्य मन्त्रीको कार्यालयले जानकारी दिए । प्रदेश नम्बर २ मा १५ प्रतिशत मुस्लिमहरुको बसोबास रहेको एक तथ्यांकले देखाएको छ ।
