हावाहुरी चल्दा रूख ढलेर चितवनमा ३ जनाको मृत्यु

चितवन, जेठ ६ः हावाहुरीका कारण चितवनमा ३ जनाको मृत्यु भएको छ । जिल्ला प्रहरी कार्यालय चितवनका प्रहरी उपरीक्षक नवराज अधिकारीले ३ जनाको मृत्यु भएको बताएका छन् । मृतकहरुको सताखत हुन बाँकी रहेको उनले बताए ।

उनका अनुसार भरतपुर–११ भोजाडमा रुख ढलेर अटो च्यापिदा २ जनाको घटनास्थलमै मृत्यु भएकाे हाे । यसैगरी भरतपुर–१ बसिनेमा रुखले म्याजिक च्यापिदा अर्का एक जनाको मृत्यु भएको छ ।  शुक्रबार साँझ चितवनसहित देशका विभिन्न स्थानमा तीव्र हावाहुरी चलेको थियो ।