स्याङ्जा, माघ ४ : स्याङ्जाको बिरुवा गाउँपालिकास्थित नवज्योति माध्यमिक विद्यालयमा नगद ५ लाख अक्षयकोषको स्थापना गरिएको छ । पोखरा महानगरपालिका- ६, लेकसाइडका भट्टराई परिवारले आफ्ना स्वर्गीय आमा पूर्णकुमारीका नाममा ५ लाख १ हजार १ सय १५ रुपैयाँको अक्षयकोष स्थापना गरेका हुन् ।
शुक्रवार विद्यालयको ५२ औँ वार्षिकोत्सवको अवसरमा आयोजित एक समारोहकाबीच स्व. पूर्णकुमारीका परिवारले उक्त रकम विद्यालय व्यवस्थापन समितिका अध्यक्ष कमलबहादुर खड्का र प्रधानाध्यापक बमबहादुर रानालाई संयुक्त रूपमा हस्तान्तरण गरे ।
स्व.पूर्णकुमारीका छोराहरू चित्रबहादुर भट्टराई, चिन बहादुर भट्टराई, गोपीबहादुर भट्टराई, छोरी बिमला अधिकारी भट्टराई र नाति विकास भट्टराईले उक्त रकमको चेक हस्तान्तरण गरेका हुन् ।
