चितवन, कात्तिक २८: अवैध हतियार स्वचालित पेस्तोल र पाँच राउण्ड गोलीसहित दुई जनालाई प्रहरीले पक्राउ गरेको छ ।
पक्राउ पर्नेमा दाङ तुलसीपुर नगरपालिका–१२ धनोवरीका ३७ वर्षीय मधुकर केसी र सल्यान रिम गाउँपालिका–५ का ३३ वर्षीय नारायण बुढाथोकी रहेका छन्।
इलाका प्रहरी कार्यालय भण्डाराले उनीहरुलाई राप्ती नगरपालिका–६ हर्दीबाट बिहीबार बिहान २ बजे पक्राउ गरेका प्रहरीले जानकारी दिए।
बा ८५ प ८०८४ नम्बरको मोटरसाइकलमा आएका उनीहरु शङ्कास्पदरूपमा हिँडिरहेको अवस्थामा भेटिएपछि गस्तीमा रहेको प्रहरी टोलीले जाँच गर्दा मेड इन युएसए लेखिएको पेस्तोल र त्यसमा लाग्ने गोलीसमेत बरामद भएको जिल्ला प्रहरी कार्यालय चितवन जनाए।
