दाङ, पुस २७ : दाङको लमहीमा पहिलो पटक स्थनीय स्तरमै छुुर्पी उत्पादन गर्न शुरु भएको छ । लमही नगरपालिका–५ मा स्थापित उद्यमशील कृषि बहुद्देश्यीय सहकारी संस्थाले गाईको दूधबाट छुर्पी उत्पादन शुरु गरेको छ ।
सहकारी संस्थाका व्यवस्थापक विश्वप्रकाश अधिकारीका अनुसार गाईको दूधबाट छुर्पी उत्पादन गरेर सहकारीमार्फत नै बजारमा बिक्रिवितरण गर्ने गरेको बताए ।
छुर्पीको बजारमा धेरै माग भए पनि अहिले दैनिक १५ किलो मात्रै उत्पादन गरेको अधिकारीले जानकारी दिए ।
सहकारी संस्थाले नै दुग्ध परियोजना सञ्चालन गरेको छ ।
त्यहाँका किसानले उत्पादन गरेको दूध खरिद गरेर ‘पाश्ववराइज्ड’ प्रविधिबाट दूध, दही प्रशोधन गरेर बजारमा लग्ने गरेको अधिकारीले बताए।
