काठमाडाैं, साउन १३ः नेपाली सेनाका अवकासप्राप्त रथी कुलबहादुर खड्काकाे निधन भएको छ ।
स्वास्थ्यमा समस्या देखिएपछि काठमाडौंको नर्भिक अस्पतालमा भर्ना भएका खड्काकाे उपचारका क्रममा मंगलबार निधन भएको हो ।
उनी पुष्पकमल दाहाल नेतृत्वको पहिलो सरकारद्वारा सेनापतिमा नियुक्त भएका थिए । दाहालले तत्कालिन प्रधानसेनापति रुक्माङगत कटवाललाई हटाएर खड्कालाई प्रधानसेनापतिमा नियुक्त गरेपछि राष्ट्रपति डा रामबरण यादवले हस्तक्षेप गरेर कटवाललाई नै प्रधानसेनापति भएको भन्दै अडान लिएपछि दाहालले राजिनामा दिएका थिए ।
खड्काको प्यान्क्रियाज क्यान्सर डायग्नोसिस गरिएको थियो । प्यान्क्रियाज क्यान्सर डायग्नोसिस गरिएको ५५ औं दिनमा उनको आज निधन भएको हो । रिपाेर्टर्स नेपालबाट