काठमाडाैं, भदाै २३ : सोमबार नेपाली बजारमा सुनको मूल्य दुई यस रुपैयाँले बढेको छ । सुनचाँदी व्यवसायी महासंघका अनुसार आज प्रतितोला ७१ हजार ७ सयले कारोबार भइरहेको छ ।
साताको पहिलो दिन आइतबार सुनको मूल्य प्रतितोला पाँच सय रुपैयाँले घटेको थियो भने गत साताकाे अन्तिम दिन शुक्रबार पनि सुनकाे मूल्य १४ सयले घटेकाे थियाे ।
यस्तै, तेजावी सुनको मूल्य पनि सोमबार २ सय रुपैयाँले नै बढेको छ । आइतबार प्रतितोला ७१ हजार २ सयमा कारोबार भएको तेजावी सुन सोमबार ७१ हजार ४०० मा कारोबार भइरहेको छ ।
अघिल्लो हप्ताको बुधबार प्रतितोला सुनको मूल्य ७३ हजार ५ सय पुगेको थियो । यो अहिले सम्मकै सबैभन्दा उच्च मूल्य हो ।
यस्तै चाँदी आइतबारको तुलनामा रु ५ घटेर तोलामा ८८० मा कारोबार भएको नेपाल सुनचाँदी व्यवसायी महासंघले जनाएको छ ।