रसुवा, चैत २२ः कोभिड–१९ को खोप लगाउन गएका चिनियाँ कामदार नफर्केपछि तीन महिनादेखि निर्माण भइरहेको सुख्खा बन्दरगाहको काम रोकिएको छ । उक्त सुख्खा बन्दरगाह चीनको आर्थिक तथा प्राविधिक सहयोगमा रसुवागढी नाकामा निर्माण भइरहेको छ ।
चीन सरकारको आर्थिक सहयोगमा टिमुरेमा निर्माण भइरहेको सुख्खा बन्दरगाहले नेपाल–चीनबीचको व्यापारलाई थप सहज वनाउने अपेक्षा गरिए पनि हाल बन्द रहेको छ ।
बन्दरगाहका लागि करिव १२ करोड ४० लाख चिनियाँ युआन लाग्ने छ । सीमा नाकाबाट करिब साढे दुई किलोमिटरमा पर्ने बन्दरगाह पाँच सय हेक्टर क्षेत्रफलमा फैलिएको छ भने ३ सय ५० वटा ठूला ट्रक तथा साना गाडी अट्ने पार्किङस्थल निर्माण हुनेछ ।
चीनले सन् २०१४ मा बन्दरगाह वनाउन प्रारम्भिक सहमति जनाएको भए पनि विनाशकारी भूकम्पलगत्तै सिन्धुपाल्चोकको तातोपानी नाका बन्द भएपछि चीनले केरुङको विकासलाई बढी प्राथमिकता दिँदै आाएको छ । संरचना निर्माणका लागि लाङटाङ राष्ट्रिय निकुञ्जबाट पाँच सय र सर्वसाधारणको तीन हेक्टर जग्गा अधिकरण भएको थियो । नेपाल समाचारपत्रबाट
