रसुवा, पुस १६ : आइतबार राति सुक्खा पहिरो खस्दा पासाङल्हामु सडक अवरुद्ध भएको छ । गोसाइकुण्ड गाउँपालिका–५ खोपाङ भिरमा सुक्खा पहिरो खस्दा धुन्चे–स्याफ्रु सडकखण्ड अवरुद्ध भएको हो ।
सडक अवरुद्ध हुँदा रसुवागढीनाकाबाट सामान बोकेर काठमाडौं जाँदै गरेका र सामान लिन केरुङ जान लागेका कन्टेनर तथा यात्रुवाहक सवारी साधन बीच बाटोमा रोकिएका छन् ।
सडक खुलाउनको लागि नुवाकोटबाट स्काभेटर मगाइएको प्रमुख जिल्ला अधिकारी कृष्ण पौडेलले बताए । साँझसम्ममा सडक संचालनमा आउने उनले जानकारी दिए ।
