- महेश सिंह महतो
सिराहा, असार २१: जिल्लाको पटेर्वा नगरपालिका १७ कमला खोलाको छेउबाट सशस्त्र प्रहरीबलले एक भारतीय युवालाई ५ केजी ४ सय ५० ग्राम अवैध गाँजासहित पक्राउ गरेको छ ।
पक्राउ पर्नेमा भारतको मधुवनी जिल्ला लुवाही बलुवाका २८ वर्षीय शत्रुधनकुमार सिंह रहेका छन् । उनले बिआर ०१ बिएक्स ४२४९ नम्बरको मोटरसाइकलमा गाँजा लुकाए र लैजाने क्रममा सशस्त्र प्रहरी बल सिमा सुरक्षा पोष्ट माडरको सशस्त्र प्रहरी निरीक्षक सुरेन्द्र बहादुर शाहीको टोलीले ५ केजी ४ सय ५० ग्राम अवैध लागूपदार्थ गाँजासहित पक्राउ गरेको हो ।
शत्रुधन कुमार सिंह र मोटरसाइकललाई आवशयक कारबाहीका लागि जिल्ला प्रहरी कार्यालय सिरहा पठाइएको शसस्त्र प्रहरी निरीक्षक सुरेन्द्र बहादुर शाहीले जानकारी दिए।
