सिन्धुलीमा बोलेरो दुर्घटना हुँदा एकको मृत्यु, तीन घाइते

रिपोर्ट नेपाल | 2020 Jul 08 | 08:42 pm 1804

सिन्धुली, असार २४ः बुधबार जिल्लाको फिक्कल गाउँपालिका–५ मा बोलेरो दुर्घटना हुदाँ १ जनको मृत्यु भएको छ, भने अन्य तीन जना घाइते भएका छन् ।

मृत्यु हुनेमा फिक्कल गाउँपालिका–५ सोल्पाका धर्मध्वज सुनुवार रहेका छन् ।

ना४च ५२८५ नम्बरको बोलेरो सिन्धुलीको खाङसाङबाट सोल्पा जाने क्रममा दुर्घटनामा हुदाँ उनको मृत्यु भएको जिल्ला प्रहरी कार्यालय सिन्धुलीले जनाएको हो ।

दुर्घटनामा गम्भीर घाइते भएका सुनुवारलाई उपचारको लागि खुर्कोट लैजाने क्रममा बाटोमै मृत्यु भएको प्रहरीले जनाएको छ । उक्त दुर्घटनामा फिक्कल गाउँपालिका–५ का ४९ वर्षीय चालक टोकनाथ पहाडी, ४३ वर्षीया भगवती पहाडी र १७ वर्षीय उज्वल सुनुवार घाइते भएका छन् ।

उनीहरुलाई उपचारका लागि हेलिकप्टरमार्फत् काठमाडौं पठाइएको छ । मृतक सुनुवारको शव पोष्टमार्टमका लागि सुनकोशी सामुदायिक अस्पताल खुर्कोटमा राखिएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.