रसुवा, पुस २६ः रसुवागढी नाकाबाट अमेरीकी डलरसहित एक जनालाई प्रहरीले पक्राउ गरेको छ ।
पक्राउ पर्नेमा आमाछोदिङमो गाउँपालिका वडा नं ४ गोल्जुङका २२ वर्षिय कान्छा कुमार घले रहेका छन् ।
सशस्त्र प्रहरी बल २१ नम्बर गुल्म टिमुरेका शसस्त्र प्रहरी प्रमुख डिएसपी लक्षमण थापाका अनुसार नियमित चेक जाँचको क्रममा ७ हजार अमेरीकी डलर (नेपाली सात लाख ९३ हजार तिन सय ८०) रुपपैयाँ सहित चिनको केरुङ जान लागेका उनलाई शसस्त्र प्रहरी र नेपाल प्रहरीको संयुक्त टोलीले पक्राउ गरेको जानकारी दिएको छ ।
शनिवार विहान करिव ९ बजेको समयमा पक्राउ गरिएको डिएसपी लक्षमण थापाले बताए ।