काठमाडौँ, असोज १५ । नेपाल प्रहरीका एकजना प्रहरी वरिष्ठ उपरीक्षक (एसएसपी)ले राजीनामा दिएका छन् । सहकर्मी महिलामाथि यौन दुर्व्यवहार गरेको आरोप लागेका एसएसपी योगबहादुर पालले राजीनामा पेश गरेको प्रहरी प्रवक्ता (डीआईजी) कुवेर कडायतले बताएका छन् ।
डिआइजी सुरेन्द्र मैनालीको नेतृत्वमा गठित छानविन समितिले एसएसपी पाललाई बर्खास्त गर्न सिफारिस गरेपछि उनले राजिनामा दिएको बुझिएको छ । सुदूरपश्चिम प्रदेश कार्यालयमा रहँदा एसएसपी पालले दुर्व्यवहार गरेको भन्दै एकजना महिला सहायक हवलदारले १९ जेठमा उजुरी गरेकी थिइन् ।
एसएसपी पालको राजीनामा स्वीकृतिका लागि गृह मन्त्रालयमा पठाइएको प्रवक्ता कडायतले बताए ।
