सल्यान, फागुन ७: जिल्लाको चोरखालमा माघ २९ गते एक जनाको घटनास्थलमै मृत्यु हुने गरी भएको नेपाली सेनाको गाडी दुर्घटनामा गम्भीर घाइते मेजर ईश्वर सिलवालको मृत्यु भएको छ ।
सिलवालको वीरेन्द्र सैनिक अस्पतालमा उपचारका क्रममा मृत्यु भएको नेपाली सेनाले जानकारी दिएको हो ।
उनी सेनाको सबुज गणमा कार्यरत् थिए । सल्यानको कपुरकोटबाट बुटवल आउँदै गरेको सेनाको लु १ ग १२३ नम्बरको गाडी २९ माघमा दुर्घटना हुँदा जवान २९ वर्षीय यादवराज ढरेलको घटनास्थलमै मृत्यु भएको थियो ।
दुर्घटनामा मेजर सिलवालसहित जवान रोशन हिटन, हवल्दार जयप्रकाश बोहोरा, मोहन बहादुर थापा, विशाल गुरुङ, विपिन श्रेष्ठलगायत घाइते भएका थिए । उनीहरुको उपचार भइरहेको छ ।
