काठमाडौँ, चैत्र १० : उच्च शिक्षाका लागि अगाडि बढ्न फलामे ढोकाको रुपमा हेरीने यस वर्षको माध्यमिक शिक्षा परीक्षा एसइई आज आइतबारदेखि शुरु हुँदैछ । परीक्षा बिहान ८ बजेदेखि हुने र पहिलो दिन अङ्ग्रेजी विषयको परीक्षा हुनेछ ।
परीक्षा नियन्त्रण कार्यालय सानोठिमीका परीक्षा नियन्त्रक विष्णु अधिकारीका अनुसार यस वर्षको एसइई परीक्षामा देशभरबाट कूल चार लाख ७५ हजार तीन परीक्षार्थीले परीक्षा दिने भएका छन् ।
यस वर्षदेखि पहिलो पटक संघिय संरचनाको स्वरुपअनुसार शुरु भई यही चैत्र २१ गतेसम्म सञ्चालन हुने परीक्षामा नियमित, ग्रेडवृद्धि र प्राविधिक धारका परीक्षार्थी सहभागी हुनेछन् ।
