काठमाडौं, असोज १२ । उपत्यका अपराध अनुसन्धान कार्यालय, काठमाडौंको टोलीले साँगाबाट अभिनेता अनमोल केसीलाई पक्राउ गरेको छ । आपराधिक विश्वासघात गरेको आरोपमा अभिनेता केसीलाई पक्राउ गरिएको एसपी रवीन्द्र रेग्मीले बताए ।
रावायण नामक फिल्मका निर्माता समूहले केसीविरुद्ध आपराधिक विश्वासघातको कसुरमा किटानी जाहेरी दिएका थिए । उनलाई भक्तपुरको साँगाबाट नियन्त्रणमा लिइएको लिइएको प्रवक्ता रेग्मीले जानकारी दिए ।
निर्माण कम्पनी सुदर्शन थापा प्रोडक्सन प्रालिको तर्फबाट सुप्रिया भन्ने चन्द्रकला कटुवालको उजुरीको आधारमा अनमोलविरुद्ध केही दिनअघिनै पक्राउ पुर्जी जारी भएको रेग्मीले जानकारी दिए ।
उपत्यका अपराध अनुसन्धान कार्यालयका प्रमुख एसएसपी सोमेन्द्रसिंह राठौरका अनुसार, केसीले फिल्म खेल्छु भनेर बैंक ट्रान्सफरमार्फत १० लाख रुपैयाँ लिएका थिए । तर, फिल्म खेल्न मानेका थिएनन् ।
