काठमाडाैं, असोज १८ । आइसिसि पुरुष वनडे विश्वकप क्रिकेटको १३ औं संस्करण भारतको आयोजनामा आज देखि शुरु भएको छ । पहिलो खेल न्युजिल्याण्डविरुद्ध इंग्ल्यान्ड अहमदाबादमा चलिरहेको छ । न्युजिल्याण्डले टस जितेर फिल्डिङ्ग रोजेको खेलमा २० ओभर सकिदा ३ विकेटको क्षतिमा इंग्ल्याण्डले ११२ रन बनाएको छ ।
इग्ल्याडका शुरुवाती व्याटर डेविड मलान २४ बलमा २ चौकासहित १४ रन बनाएर आउट भएका छन। उनलाई न्युजिल्यान्डका म्याट हेनरीले आउट गरेका हुन। त्यस्तै अर्का ओपनर बेयरेस्टो ३५ बलमा ३३ रन बनाएर आएट भए ।
त्यसपछि आएका ह्यारी ब्रुक आक्रामक पारी खेल्ने क्रममा १६ बलमा २५ रन बनाएर कन्वेको हातमा क्याच थमाउन पुगे ।
अहिले क्रिजमा जो रुट र मोइन अली क्रमश व्यक्तिगत स्कोर २८ र ८ बनाएर खेलीरहेका छन् ।
साविक विजेता इंग्ल्यान्ड र साविक उपविजेता न्युजिल्यान्डबीच विश्वकपमा १० खेल भएको छ। दुबै टोलीले ५ /५ खेल जितेका छन् ।
इंग्ल्यान्डको प्लेइङ ११
जस बटलर (कप्तान), मोईन अली, जोनी बेयरस्टो, ह्यारी ब्रुक, साम करन, लियाम लिभिङस्टोन, डेविड मलान, आदिल राशिद, जो रुट, मार्क वुड र क्रिस वोक्स।
न्युजिल्यान्डको प्लेइङ ११
ट्रेन्ट बोल्ट, मार्क च्यापम्यान, डेभन कन्वे, म्याट हेनरी, टम लाथम (कप्तान तथा विकेटकिपर), डर्याल मिचेल, जिमी निशम, ग्लेन फिलिप्स, रचिन रविन्द्र, मिचेल सान्टनार र विल योंग।
