काठमाडौं, भदौ २२: निजि क्षेत्रको यातायात कम्पनी सुन्दर यातायात प्रालिले सोमबारदेखि संचालन गर्ने विद्युतीय बसको उद्घाटनका लागि बस निर्माण कम्पनीका सिइओ सहित चार जनाको टोली आइतबार काठमाडौं आइपुगेको छ ।
विएके कम्पनीका सिइओ चिएनलिन लुअको नेतृत्वमा कम्पनीकै प्रवन्धक सहित चार जना नेपाल आएका हुन् । सिइओ चिएनलिन संसारका चालिसौं उद्योगपतिमा गनिन्छन् ।
विएके कम्पनी चिनको उत्कृष्ट कम्पनीका रुपमा परिचित छ । बस शुभारम्भका लागि नेपाल आएका चिनीयाहरुलाई सुन्दर यातायातको टोलीले त्रिभुवन अन्तराष्ट्रिय विमानस्थलमा स्वागत गरेका थिए ।
सुन्दर यातायात कम्पनीले भोली दिउँसो नेपाल पुलिस क्लबमा एक विशेष कार्यक्रमको आयोजना गरी विद्युतीय बसको शुभारम्भ गर्ने भएको छ ।
