रौतहट, असोज १०: शुक्रबार कटहरिया नगरपालिकामा तोडफोड भएको छ । शिक्षक सरुवाको विषयलाई लिएर विद्यार्थीले नगरपालिकाको कार्यालयमा तोडफोड गरेका हुन् ।
बिहीबार बसेको नगरपालिकाको बैठकले नगर अन्तर्गत रहेको मावि भसेढवाका प्रधानाध्यापक राम मंगल प्रसाद यादव सहित ९ जना शिक्षकलाई अन्यत्र सरुवा गर्ने निर्णय गरेको थियो ।
सोही निर्णयको विरुद्धमा एक स्थानबाट अर्को स्थानमा शिक्षकलाई सरुवा गरेको भन्दै नगरपालिका अन्तर्गतका विद्यार्थीहरुले बिहानै नगरपालिकाको कार्यालयमा तोडफोड गरेका हुन् ।
आक्रोशित विद्यार्थीहरुले कम्युटर, ल्यापटप र कुर्सी तोडफोड गरेका छन् । कार्यालयमा भएको दराज, सिसिटिभी क्यामरा नष्ट गरेका छन् । त्यस्तै उनीहरूले झयाल ढोकासमेत तोडफोड गरेका छन् ।
विद्यार्थीको समूहले नगरपालिकाको महत्वपूर्ण कागजातहरु च्यातेर फालिदिएको नगरपालिकाले जानकारी दिए ।
