चितवन, जेठ ४ः भरतपुर महानगरपालिकामा नेकपा (माओवादी केन्द्र) की उम्मेद्वार रेनु दाहालले मतान्तर फराकिलो बनाउँदै लागेकी छन्।
वडा नं ६ को मतगणना चलिरहँदा दाहाल १ हजार १ सय १९ मत मतान्तर बनाएकी छन्। भरतपुरमा २५ हजार ३ सय ५८ मतगणना हुँदा दाहालले ९ हजार ११ मत ल्याएर आफूलाई अग्रस्थानमा राखेकी छिन्। त्यस्तै दाहाललाई पछ्याउँदै विजय सुवेदीले ७ हजार ८ सय ९२ मत ल्याएका छन्।
स्वतन्त्र उम्मेदवारी दिएका जगन्नाथ पौडेलले ४ हजार १ सय १२ मत प्राप्त गरेका छन्। यस्तै उपप्रमुखमा कांग्रेसका चित्रसेन अधिकारीले मतान्तर बढाउँदै लगेका छन्। उनले १० हजार ७ सय ७४ मत ल्याएका छन्। अधिकारीलाई पछ्याउँदै राप्रपाकी हिमाल गुरुङले ६ हजार ४ सय ५४ मत प्राप्त गरेकी छन्। अहिले भरतपुर ६ नम्बर वडाको मतगणना जारी छ। यस वडामा अध्यक्षमा भने एमाले अगाडी छ।
