लोकगायनमा उर्जा थप्न खैरबोनामा गीत रेकर्डिङ्ग स्टुडियो

रिपोर्ट नेपाल | 2020 Sep 03 | 08:49 pm 1709

लहान, भदौ १८ः भाषा संस्कृतिको उत्थान विकासको लागि ग्रामिणक्षेत्रमा यसरी गीत रेकर्डिङ्ग स्टुडियो संचालन गरेर कमजोर बन्दै गएको लोकगायनमा थप उर्जा प्रदान गर्ने मधेशी चलचित्रका नायक तथा नेपाल पत्रकार महासंघ सिरहाका सभापति दिनेश्वर गुप्ताले बताए ।

सिरहाको सखुवानन्कारकट्टी ४ खैरवोना चौकमा जय माँ सरस्वती रेकर्डिङ्ग स्टुडियोको भदौ १७ गते उद्घाटन गर्दै गुप्ताले सलहेश, अलाउदललगायतको लोकगायन कमजोर भइरहेको बेला यो संचालनमा आएको स्टुडियोले स्थानीय भाषागत गीतले पहिचान संरक्षण गर्ने बताए ।

कलाप्रेमी दिपेन्द्र यादव र शैलेन्द्र यादवको सँयुक्त लगानीमा संचालन भएको सो स्टुडियोले गीत, भिडियो मिक्सिँग र डान्स अभ्यासको कार्यक्रम गर्ने लक्ष्य लिएको छ ।

उद्घाटन कार्यक्रममा मिशन मधेशका प्रोड्युसर मुकेश्वरलाल कर्ण, नृत्य प्रशिक्षक सन्तोष यादवलगायतको उपस्थिति रहेको थियो ।

सिरहा जिल्लामा यस किसिमको सात गीत रेकर्डिङ्ग स्टुडियो संचालनमा रहेको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.