बर्दिया, कात्तिक २८ः लेनदेन मुद्दामा फरार रहेका एक अभियुक्तलाई प्रहरीले पक्राउ गरेकाे छ । पक्राउ पर्नेमा बर्दिया गुलरिया नगरपालिका-५ बस्ने छोटेलाल थारु रहेका छन् ।
सम्मानित बर्दिया जिल्ला अदालत गुलरियाको मिति २०७९/०७/२५ गतेको फैसला आदेशले लेनदेन मुद्दामा थारूलाई २ वर्ष कैद सजाय तोकिएको थियाे ।
फरार थारूलाई प्रहरी टोलीले मिति २०७९/०७/२७ गते बेलुकी लुकिछिपी बसेको अवस्थामा घरबाटै पक्राउ गरी आवश्यक कारवाहीको लागि सम्मानित बर्दिया जिल्ला अदालतमा बुझाईएकोमा सम्मानित अदालतको आदेशले कारागार कार्यालय बर्दियामा पठाएको प्रहरी नायव उपरीक्षक हिक्मत बहादुर बाेहराले बताए ।
