कञ्चनपुर, चैत्र १६ : बेदकोट नगरपालिका– १ चम्फापुरकी २० वर्षीया रीना रानाको आज (शनिबार) नदीमा डुबेर मृत्यु भएको छ । नदीमा लुगा धुने क्रममा पानीमा डुबेर मृत्यु भएको इलाका प्रहरी कार्यालय झलारीका प्रहरी निरीक्षक रमेशदत्त अवस्थीले बताए । उक्त महिला छारे रोगबाट पीडित रहेकाले लुगा धुने क्रममा डुबेर मृत्यु भएको हुनसक्ने अनुमान गरिएको छ ।
महिलाका ससुरा भजौरा रानाका अनुसार उनी गर्भवतीका साथै छारे (मृगि) को औषधि सेवन गर्दै आएकी जानकारी दिए । बुहारी नेदीमा डुबेको स्थानीयवासीले खबर गरेपछि नदीमा पुग्दा उनको मृत्यु भइसकेको बताए । मृतक महिलाको शव परीक्षणका लागि महाकाली अञ्चल अस्पताल लगिएको छ ।
