- महेश सिंह
सिरहा, कात्तिक ५: लहान नगरपालिका ३ स्थित रहेको पुरानो बसपार्कमा भारतबाट भन्सार छली लुकाई छिपाई नेपाल भित्राउदै गरेको ३ बोरा सुर्ती प्रहरीले बरामत गरेको छ ।
नम्बर पलेट नभएको रातो कलरको ग्लाईमर मोटरसाईकलमा लोड गरी ल्याउँदै गर्दा ईलाका प्रहरी कार्यालय लहानबाट इन्सपेक्टर सुमित कुशवाहाको कमान्डमा खटिएको प्रहरी टोलिले बरामद गरेको हो । प्रहरीलाई देख्नसाथ तस्करहरु सम्मान छाडेर फरार भएको प्रहरीले जानकारी दिए ।
उक्त सुर्ती करिब ३७ हजार ५ सय बराबरको रहेको प्रहरीले अनुमान गरेको छ। भारतबाट नेपाल ल्याउदै गरेको सुर्ती ईलाका प्रहरी कार्यालय लहानले ठाडि भन्सारमा बुझाउने तयारी भईरहेको इन्सपेक्टर सुमित कुशवाहाले बताए ।
