काठमाडौँ , १० असार : नेपाल प्रहरीले रेडपाण्डाको छालासहित आज तीन जनालाई पक्राउ गरेको छ ।
प्रहरीले बौद्धस्थित कैलाश गेष्ट हाउस नजिक रेडपाण्डाको छाला लुकाइछिपाइ राखेको अवस्थामा तीनैजनालाई पक्राउ गरेको हो ।
महानगरीय प्रहरीको विशेष टोलीले सूचनाका आधारमा जाँच गर्दा रेडपाण्डाको छाला एक थान र बा५८प १३७८ नं को मोटरसाइकलसहित सोलुखुम्बुका आङदावा शेर्पा, लाक्पा शेर्पा र आङचिन्डु शेर्पालाई पक्राउ गरेको हो । तीनै जनालाई आवश्यक अनुसन्धानपश्चात् कारबाहीका लागि जिल्ला वन कार्यालय काठमाडौँ पठाइएको छ ।
