रुकुम (पश्चिम), साउन २२: सरकारद्वारा प्रितबन्धीत नेत्रिवक्रम चन्द नेतृत्व (विप्लव) नेकपा समूहका एक केन्द्रीय सदस्यसहित तीन जना नेताहरूलाई प्रहरीले पक्राउ गरेको छ।
पक्राउ पर्नेमा केन्द्रीय सदस्य श्यामबहादुर बोहरा, अखिल क्रान्तिकारीका जिल्ला उपाध्यक्ष प्रमप्रशान्त बोहरा र रुकुम (पूर्व) अखिल क्रान्तिकारीका संयोजक हरि पुन रहेको जिल्ला प्रहरी कार्यालय रुकुम (पश्चिम)का प्रमुख प्रहरी नायव उपरीक्षक सुमित खड्काले जानकारी दिए।
जिल्लाको त्रिवेणी गाउँपालिका र छिमेकी जिल्ला रोल्पा र सल्यानका विभिन्न ठाउँमा रहेका बजार र त्यहाँका स्थानीयसँग चन्दा रकम माग गर्दै अवान्छित गतिविधी सञ्चालन गरिरहेको गोप्य सूचनाको आधारमा उनीहरूलाई पक्राउ गरिएको बताए ।
जिल्ला प्रहरी कार्यालयबाट खटिएको टोलीले तीनै जनालाई त्रिवेणी गाउँपालिका–६ को मुरूबाट पक्राउ गरेको डिएसपी खड्काले जनाए।
पक्राउ गरिएका तीनै जनालाई प्रहरी हिरासतमा राखेर आवश्यक अनुसन्धान भइरहेको बताइएको छ।
