राम मन्दिरको पक्षमा भारतको सर्वोच्च अदालतको फैसला, बाबरी मस्जिद सार्न निर्देशन

रिपोर्ट नेपाल | 2019 Nov 09 | 12:29 pm 1476

भारत, कार्तिक २३  : अयोध्याको विवादित जमिन हिन्दूहरूको भएको भारतको सर्वोच्च अदालतले ठहर गरेको छ । राम मन्दिर बाबरी मस्जिद विवादमा भारतको सर्वोच्च अदालतले शनिबार निर्णय सुनाउँदै अयोध्याको विवादित जमिन हिन्दूहरूको भएको ठहर गरेको हो । यससँगै राम मन्दिर बनाउने बाटो खुलेको छ ।

अदालतले मुस्लिमहरूलाई वैकल्पिक जमिन उपलब्ध गराउन आदेश समेत दिएको छ । प्रधान न्यायाधीश रञ्जन गोगोइले गरेको फैसलामा मुस्लिम पक्षलाई पाँच एकड जमिन छुट्टै ठाउँमा दिन केन्द्र सरकारलाई भनेका छन् ।

४० दिनको लगातार सुनुवाईपछि भारतको सर्वोच्चले यस्तो आदेश सुनाएको हो । आदेश सुनाउने समयमा यस क्षेत्रको सुरक्षा व्यवस्था कडा पारिएको थियो । सुरक्षा संवेदनशिलतालाई मध्यनजर गर्दै भारतले वीरगञ्जस्थित नेपाल भारत सीमा नाका शिल गरेको थियो ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.