गुुल्मी, फागुन २२: रेसुङ्गा नगरपालिका वडा नम्बर ८ का अध्यक्ष भरत भलामीले दुबै मिर्गौला फेल भएर जीवन मरणको दोसाँधमा रहेका ३८ वर्षीय युगल भुजेललाई सहयोग गर्न वडा वासी समक्ष अपील गरेका छन् ।
वडा अध्यक्ष भलामीले आर्थिक स्थिति कमजोर भएका कारणले युगलको उपचार पाएनन् भने हामी सबैलाई उनले गरेको अनुनय विनयको श्राप लाग्ने बताएका छन् ।
थोपा थोपा मिलेर नदी बन्न सक्छ भने कहावतलाई स्मरण गर्दै युगलको मिर्गौला प्रत्यारोपणका लागि आफू सक्दो सहयोग गर्न वडा अध्यक्ष भलामीले आग्रह गरेका छन् ।
त्यसैगरी युगललाई जीवन दान दिनका लागि युगल बचाउ अभियान नामक संस्था बनाएर रकम संकलन गर्न थालिएको छ ।
युवा समाजसेवी राजु पाण्डेको संयोजकत्वमा गठित समितिले पनि सहयोगका लागि आग्रह गरेको छ । बचाउ अभियानका संयोजक पाण्डेले आफ्नो सानो सहयोगले कसैको जीवन रक्षा हुन्छ भने त्यो महायज्ञ गरेभन्दा बढी धर्म हुने बताएका छन् ।
युगल बचाउ अभियान मार्फत सहयोग गर्ने दाताको नाम रिपोर्ट नेपाल डटकमबाट प्रकाशन गरिने भएको छ ।
सहयोग गर्न चाहाने दाताले संयोजक राजु पाण्डेको मोबाइल नम्बर ९८५७०६७०६९ मा सम्पर्क गर्न सकिने अभियानले जनाएको छ ।
