बुटवल, साउन २८ : यातायात व्यवस्था कार्यालय बुटवलका इन्जिनियर २० हजार घुससहित पक्राउ परेका छन् । सोमबार सेवाग्राहीबाट घुस लिइरहेको बेला सरोजकुमार साहलाई अख्तियार दुरुपयोग अनुसन्धान आयोग बुटवलले पक्राउ गरेको हो ।
नयाँ सवारीसाधन दर्ताका लागि साहले सेवाग्राहीबाट घुस लिन लागेको सूचनाका आधारमा पक्राउ गरिएको अख्तियार दुरुपयोग अनुसन्धान आयोग बुटवल कार्यालयका प्रमुख प्रहरी उपरीक्षक दिनेशकुमार आचार्यले जानकारी दिए ।
