म्याग्दी, साउन १७ः म्याग्दीको मालिका गाउँपालिका २ रुम गाउँको हल्लेपानीमा गयराती पहिरोले घर पुरिदा दुई जनाको मृत्यु हुनुका साथै तिनजना वेपत्ता भएका छन् । घरमाथिको पाखोबाट आएको पहिरोले स्थानीय घामबहादुर विकको घर पुरिदा १३ वर्षका छोरा राजन विक र १५ वर्षको नविन विकको मृत्यु भएको प्रहरी नायब उपरीक्षक तिलक भारतीले जानकारी दिए ।
पहिरोमा परेर घरमुली घाम बहादुर विक, उनको श्रीमति र सात वर्षीया छोरी वेपत्ता भएको उनले बताए । स्थानीयवासीहरुले पुरिएको घरबाट दुईजनाको सव निकालेको र वेपत्ता भएकाहरुको खोजी भइरहेको मालिका गाउँपालिकाका प्रमुख प्रशासकीय अधिकृत हेमराज काफ्लेले जानकारी दिए ।
इलाका प्रहरी कार्यालय दरबाङबाट प्रहरीको टोली घटनास्थल तर्फ हिडिसकेको प्रनाउ भारतीले जानकारी दिए । उनका अनुसार पहिरोले दुईवटा घर र एक गोठ पनि पुरेको र दुईजना घाईते भएको उनले जानकारी दिए । गाेरखापत्र दैनिकबाट
