मेक्सिको सिटि, माघ ५ : मेक्सिकोमा इन्धन पाइपलाइन विस्फाेट भएकाे छ । अन्तर्रािष्टय सञ्चारमाध्यमका अनुसार साे विस्फोटमा परी कम्तिमा २० जनाको मृत्यु भएको छ । शुक्रबार मेक्सिकोको मध्य भाग स्थीत हिडाल्गो राज्यमा भएको सो विस्फोटनमा परी अन्य ७१ जना घाइते भएकाे जनाइएकाे छ।
स्थानीय समयअनुसार बेलुका ७ बजे सान प्रिमिटीभो समुदायको बस्तीमा घटना भएको हो । इन्धन सङ्कलन गर्न स्थानीय बासिन्दा भेला भएको बेला पाइप विस्फोटन भएकाले धेरै क्षति भएको बताइएको छ ।
पाइप विस्फोटनलगत्तै आगलागी भएकाले २० जनाको मृत्यु भएको र अरु कैयौँ घाइते भएका हिडाल्गोका गर्भनर ओमार फायाडले बताएका थिए । उपचारका क्रममा थप एककाे मृत्यु भएकाे बताइएकाे छ ।
