नवलपरासी, मंसिर ५: महेन्द्रनगरबाट काँकडभित्ताका लागि छुटेको बस नवलपरासीमा दुर्घटना भएको छ। दुर्घटनामा दुर्इ जनाको मृत्यु भएको छ भने ३९ जना घाइते भएका छन्।
ना ५ ख १०९६ नम्बरको यात्रुबस नवलपरासीको बर्दघाट सुस्ता पश्चिमको सुनवल नगरपालिका १३ सुर्यबस्तीमा मंगलबार राति २ बजे दुर्घटना भएको हो।
दुर्घटनामा ज्यान गुमाउनेमा बसमा सवार श्री रण सादल गण गाइघाट उदयपुरमा कार्यरत नेपाली सेनाका जवान अन्दाजी ३५ बर्षिय लोकेन्द्र बहादुर कार्की छन भने १ जानको सनाखत हुन बाँकी रहेको प्रहरीले जनाएको छ।
दुर्घटनामा घाइते भएका ३९ जनाको नवलपरासी र बुटवलमा उपचार भइरहेको छ। बस सडकबाट करिब ६० मिटर तल खोलामा खसेको थियो। दुर्घटनाका विषयमा थप अनुसन्धान भइरहेको प्रहरीले जनाएको छ।
