- तिलाचन पाण्डे
गुल्मी, असार ५ जिल्लाको कालीगण्डकी गाउँपालिका महिला तथा बालबालिका शाखाले महिलाहरुको क्षमता बृद्धिका लागि नेतृत्व तथा संस्थागत क्षमता विकास तालिम संचालन गरेको छ ।
कालीगण्डकी गाउँपालिका वडा नम्बर चारका २० जना महिलाहरुका लागि क्षमता बृद्धि र नेतृत्व तथा संस्थागत क्षमता विकासका लागि तालिमको आयोजना गरिएको महिला तथा बालबालिका शाखाले जनाएको छ ।
तालिमको उद्घाटन गर्दै कालीगण्डकी गाउँपालिकाकी उपप्रमुख तारा थापाले क्षमता बृद्धि गर्न र स्वंयम नेतृत्व विकासका लागि तालिमले ठुलो भूमिका निर्वाह गर्ने भएकाले तालिमलाई व्यवहारमै परिणत गर्न आग्रह गरेका छन् ।
महिलाको विकास र महिलाहरुलाई आत्म निर्भर बनाउनका लागि गाउँपालिकाले आगामी बजेटमा व्यवस्था गर्ने भन्दै तालिमलाई व्यवहारमै लागु गर्न आग्रह गरिन् ।
