एजेन्सी, बैशाख २८ः कोरोना महामारी बीचमा आइतबार भारतको दिल्ली एनसीआरमा भूकम्पको धक्का महसुस गरिएको छ । दिउँसोको १ बजेर ४५ मिनेटकाे समयमा भूकम्पको महसुस गरिएको जनाइएको छ ।
भारतीय मिडियाका अनुसार दिल्लीमा पहिला तूफान आएको र पछि भूकम्पको झट्काको महसुस गरेको उल्लेख गरिएकाे छ । भूकम्प ३.५ रेक्टर स्केलको गएको बताइएकाे छ । कोरोना भाइरस संक्रमणको समस्या भाेगीरहेका भारतलाई भूकम्पले पनि सताएको हाे ।
राजधानी दिल्ली, नोएडा, गाजियाबादका धेरै स्थानहरुमा आँधी – र तूफान आउने बताइएको छ । धुलै धुलोले भरेको हावा फैलिरहेकोले केही देखन नसक्ने भएको भारतीय संचारमाध्यम आजतकले जानकारी दिएकाे छ।
