काठमाडौं, कात्तिक ९: चर्चित र्यापर समिर लामा ‘भिटेन’ प्रहरी हिरासतबाट रिहा भएका छन् । महानगरीय प्रहरी परिसर ललितपुरले भिटेनलाई बुवाको जमानीमा रिहा गरेका हुन् ।
उनलाई भाइटीकाको भोलिपल्ट ललितपुर प्रहरी परिसरमा हाजिर हुने गरी शुक्रबार साँझ रिहा गरिएको हो । ललितपुर प्रहरी परिसरका अनुसार भिटेनलाई उनकै बुबाको जमानीमा रिहा गरिएको जानकारी दिए ।
उनलाई ‘हामी यस्तै त हो नि ब्रो’ बोलको गीतमा अश्लील शब्द प्रयोगका साथै गाँजा खान उक्साएको आरोप लगाइएको थियो।
म्युजिक भिडियोमा प्रहरीको बर्दी प्रयोग गरेर गाँजासमेत खाएको दृश्य देखाइएपछि भिटेनलाई बुधबार झम्सिखेलबाट प्रहरीले नियन्त्रणमा लिइएको थियो।