मोरङ, साउन ११: अवैध भरुवा बन्दुकसहित दुई जनालाई प्रहरीले पक्राउ गरेको छ । पक्राउ पर्नेमा कानेपोखरी गाउँपालिका–५ जहदा का २६ वर्षीय धन केशर राई र उर्लाबारी नगरपालिका–४ का ४४ वर्षीय शम्भु गहतराज रहेका छन् । उनीहरुलाई लोड अवस्थामा रहेको भरुवा बन्दुक २ थान सहित प्रहरीले पक्राउ गरेको हो ।
कानेपोखरी गाउँपालिका–७ स्थित जनजागृती सामुदायिक वन, अस्थायी प्रहरी चौकी कानेपोखरी, ईलाका वन कार्यालय कानेपोखरी र जनजागृती वन उपभोक्ता समितिका प्रतिनिधीहरुको संयुक्त टोलीले उनीहरुलाई उक्त हतियार सहित फेला पारी पक्राउ गरेको हो ।
