कैलाली, कात्तिक ४ः गत शनिबारदेखि बेपत्ता भनिएका प्रहरी जवान रामबहादुर साउदको शव दुई दिनपछि फेला परेको छ ।
विभत्स तरिकाले हत्या गरेको अवस्थामा नेपाल–भारत सीमामा पर्ने मोहना नदीमा उनको शब फेला परेको प्रहरीले जानकारी दिएको छ ।
प्रहरी सहायक निरीक्षक (असई) गोविन्द बिक संगै गस्तीमा गएका बेला तस्करहरुले दुबै जनाको हत्या गरेको हुनसक्ने प्रहरीको आशंका रहेको छ ।
अस्थायी प्रहरी विट जुगेडामा कार्यरत असई विकको आइतवार बिहान नेपाल-भारत सीमास्थित मोहना नदीमा शव फेला परेको थियो।
बेपत्ता भएदेखि उनको सशस्त्र प्रहरीको गोताखोर टोलीसहितले कैलाली र कञ्चनपुर प्रहरीले खोजतलासी जारी राखेका थियो । हत्यामा संलग्न गिरोहलाई प्रहरीले पक्राउ गरिसकेको जनाएको छ ।
