कपिलवस्तु, बैशाख १८ः जिल्लाकाे शिवराज नगरपालिकाको चन्द्रौटा बजारमा एक वृद्धाको सामाजिक सुरक्षा (बृद्धभत्ता) बापतकाे रकम चाेरी गरेकाे आरोपमा एक जनालाइ प्रहरीले पक्राउ गरेकाे छ ।
पक्राउ पर्नेमा शिवराज –४ चनइका ४५ वर्षीय अमिन मियाँ रहेका छन् । उनले शिवराज ६ सुगानगरकी ७८ वर्षीया वृद्धाकाे सामाजिक सुरक्षावापतको रकम १२ हजार चोरी गरी फरार रहेका थिए ।
मियाँले उक्त पैसा चोरेको चन्द्रौटास्थित गौतम फोटो स्टुडियोको सिसी क्यामेरा फुटेजबाट पत्ता लागेको वडा प्रहरी कार्यालय चन्द्रौटाका प्रहरी निरीक्षक दीपेश खरेलले जानकारी दिए ।
मियाँले वैशाख १४ गते रकम चोरेर फरार रहेका थिए । अभियुक्तलाई पक्राउ गरी वडा प्रहरी कार्यालयमा राखिएको छ ।
