दाङ, साउन १९ः बालिनाली खाइदिएपछि जङ्गली जनावरलाई लक्षित गरए थापिएको विद्युतीय धरापमा पर्दा एकैघरका दाजुभाईको मृत्यु भएको छ ।
मृत्यु हुनेमा घोराही उपमहानगरपालिका वडा नं १ हर्नोकका ३५ बर्षीय दिलबहादुर रावतका छोरा १४ बर्षीय बिरबल रावत १० बर्षीय तेजबहादुर रावत रहेक छन् ।
उनीहरुको सोमवार विहान मृत्यु भएको जिल्ला प्रहरी कार्यालय दाङका प्रहरी नायव उपरिक्षक एव प्रवक्ता सुमित खड्काले जानकारी दिए ।
सोही घटनामा पर मृतकका बुबा दिलबहादुर रावत समेत घाइते भएका छन् । उनको राप्ती स्वास्थ्य विज्ञान प्रतिष्ठान घोराहीमा उपचार भइरहेको प्रवक्ता खड्काले जानकारी दिए।
घटनाको विषयमा थप अनुसन्धान भईरहेको जिल्ला प्रहरी कार्यालय दाङले जनाएको छ ।
