विराटनगर, भदाै १३ । मोरङको केराबारीमा नौ वर्षीया बालिकालाई बलात्कार गरेको आरोपमा एक जना पक्राउ परेका छन् ।
पक्राउ हुनेमा केराबारी गाउँपालिका–५ का ५० वर्षीय लोकबहादुर लिम्बू रहेका छन्। बालिकालाई उनको घरमा बलात्कार गरेको भन्दै लिम्बूविरुद्ध इलाका प्रहरी कार्यालय बेलबारीमा किटानी जाहेरी परेको थियो ।
पीडित पक्षबाट जाहेरी परेपछि प्रहरीले उनलाई घरबाटै पक्राउ गरेको हो । लिम्बूविरुद्ध जबरजस्ती करणी मुद्दामा म्याद थप गरेर अनुसन्धान अघि बढाउने प्रहरीको तयारी छ ।
