मकवानपुर, बैशाख ३०: बाटो सम्याउने क्रममा मकवानपुरको भीमफेदी गाउँपालिकामा लोडर पल्टिँदा चालकको घटनास्थलमै मृत्यु भएको छ। मृत्यु हुनेमा लोडरका चालक २५ वर्षीय राजेन्द्र घलान रहेका छन् ।
हेटौंडा सिमेन्टको खानीबाट राजमार्गतर्फ जाने बाटो सम्याउँदै गरेको लोडर भीमफेदी गाउँपालिका-३, कैलाशडाँडा ऐनाभिरमा गएराति पल्टिएर उनको मृत्यु भएको हो।
अनटेस्ट लोडर पल्टिएर चालकको मृत्यु भएको विषयमा अनुसन्धान भइरहेको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिए।
बाटो सम्याउँदै गरेको लोडर अनियन्त्रित भई करिब सय मिटर तल खसेको उनले जानकारी दिए।
